SK: Praviarajem, navošta Čudziancoŭ uładkavaŭsia kačaharam u internat dla dziaciej-invalidaŭ
Staličnyja śledčyja adreahavali na publikacyju «Našaj Nivy» nakont hvałtu nad niepaŭnaletnim i praviali daśledčuju pravierku.
Pa vynikach pravierki ŭ dačynieńni da Uładzimira Čudziancova zaviali kryminalnuju spravu pa č. 2 art. 167 Kryminalnaha kodeksa Respubliki Biełaruś (hvałtoŭnyja dziejańni sieksualnaha charaktaru ŭ dačynieńni da zaviedama niepaŭnaletniaha).
Akramia hetaha, da kryminalnaj spravy dałučanyja materyjały pravierki ŭ dačynieńni da Uładzimira Čudziancova pa inšym fakcie dziejańniaŭ seksualnaha charaktaru ź niepaŭnaletnim u 2016 hodzie.
Taksama śledčymi praviarajucca matyvy pracaŭładkavańnia Uładzimira Čudziancova ŭ 2006 hodzie mašynistam (kačaharam) kacielni ŭ adnu sa škoł-internataŭ krainy dla dziaciej z asablivaściami raźvićcia i nieadnarazovyja fakty pošuku im praz sacyjalnyja sietki i sajty znajomstvaŭ niepaŭnaletnich.