Aŭstryja, Čechija, Słavaččyna i Słavienija zrabili našeńnie maski ŭ publičnym miescy abaviazkovym
«U našaj kultury hetaha, viadoma, niama, ale mienavita tak krainy Azii pryjšli da taho, što ŭ ich usiaho niekalki chvorych za dzień», — tak kancler Aŭstryi Siebaśćian Kurc patłumačyŭ uviadzieńnie abaviazkovaha našeńnia masak u kramach z 1 krasavika.
Taja samaja miera ŭžo niekalki tydniaŭ jak pryniataja ŭ Čechii, Słavaččynie. Słavienija ŭviała toje ž samaje praviła adrazu paśla Aŭstryi. Jano dziejničaje taksama va Ukrainie. Anałahičnyja miery razhladaje Bałharyja. Vielmi strohija karancinnyja abmiežavańni trymaje i Sierbija.
Usie hetyja krainy pakul sumieli nie dapuścić, kab epidemija ŭ ich nabrała taki maštab, jak u Italii, Ispanii, Francyi i krainach Bieniluksa.