Mer Ńju-Jorka rekamiendavaŭ žycharam zakryvać tvar, ale nie maskami

Pryčyna prostaja: maski ŭ ZŠA ŭ vialikim deficycie, ich niestaje navat dla miedpiersanału, jaki zmahajecca z epidemijaj.

U toj ža čas mer Ńju-Jorka abapirajecca na daśledavańnie navukoŭcaŭ Sinhapura, jakija dakazali, što karanavirus pieradajecca ad čałavieka da čałavieka, navat kali zachvorvańnie ŭ ich praciakaje bieśsimptomna.

Mer Ńju-Jorka zaklikaŭ žycharoŭ pry vychadzie na vulicu i ŭ kramy zakryvać tvar «šalikam, samarobnaj paviazkaj ci bandanaj».

Mer padkreśliŭ, što ŭłady nie chacieli b, «kab vy vykarystoŭvali maski, patrebnyja miedpiersanału chutkaj dapamohi i lečačym daktaram», i pryznaŭ, što masak niama ŭ dastatkovaj kolkaści.

Deficyt masak na peŭnym etapie ŭźnik u mnohich krainach śvietu, u tym liku samych raźvitych. Napeŭna, z hetym źviazany toj fakt, što Suśvietnaja arhanizacyja achovy zdaroŭja nie rekamienduje našeńnia maski. 

U toj ža čas našeńnie maski stała adnym z hałoŭnych punktaŭ u praviłach tatalnaj vajny suprać COVID-19 u Kitai i Paŭdniovaj Karei. Kitajcy stroha trymajucca hetaha praviła, navat kali traplaciu za miažu. Kitajskija studenty nie vychodziać na vulicy Minska biez maski, ad lutaha pačynajučy. Spačatku jany byli adnymi takimi ŭ biełaruskaj stalicy, adnak u apošnija dni kolkaść ludziej u maskach rezka vyrasła.

Aŭstryja, Čechija, Słavaččyna i Słavienija zrabili našeńnie maski ŭ publičnym miescy abaviazkovym000

Pavialičyć

U Kitai adsutnaść rekamiendacyj nasić maski ŭ zachodnich krainach źviazvajuć prosta ź ich deficytam. Sistemy achovy zdaroŭja takim čynam chočuć aščadzić zapas masak dla miedykaŭ, bo ŭ mnohich zachodnich krainach, u tym liku ZŠA, Francyi, Italii, nazirajecca ich krytyčny deficyt navat va ŭstanovach achovy zdaroŭja.

Na minułym tydni Suśvietnaja arhanizacyja achovy nahadała, što virus nie zastajecca ŭ pavietry i «ŭdychnuć» jaho možna tolki ŭ balnicy i pry kantakcie z chvorym, kali jon kašlaje i dychaje na vas. Kali vy trymajecie biaśpiečnuju dystancyju i myjecie ruki, vy možacie nie turbavacca, śćviardžajuć zachodnija miedyki.

U toj ža čas hienieralny dyrektar Kitajskaha centra kantrolu i prafiłaktyki chvarob u intervju časopisu Science Džordž Haa zaklikaŭ ludziej masava nasić maski, kab spynić raspaŭsiud virusa.

«Vialikaja pamyłka ZŠA i Jeŭropy, na maju dumku, što ludzi nie nosiać masak, — skazaŭ Haa. — Mnohija ludzi mohuć być bieśsimptomnymi ci presimptomnymi nośbitami infiekcyi. Kali b jany nasili maski, kropielki ź virusam nie raźlatalisia b vakoł ich i virus nie zaražaŭ by inšych».

• 0
• 0
• 0
• 0
• 0
• 0
• 0
• 0