Mitrapalit Pavieł paprasiŭ prabačeńnia za zaŭčasnaje vinšavańnie Łukašenki ź pieramohaj na vybarach
Jak paviedamiŭ Radyjo Svaboda pres-sakratar Biełaruskaj pravasłaŭnaj carkvy ajciec Sierhij Lepin, mitrapalit Pavieł vybačyŭsia za zaŭčasnaje vinšavańnie Łukašenki, jakoje aburyła viernikaŭ.
«Mitrapalit atrymaŭ infarmacyju pra padziei ŭ Biełarusi, jon bačyŭ videa zatrymańniaŭ, jany jaho aburyli, žachnuli i zasmucili», — skazaŭ ajciec Sierhij Lepin.
Mitrapalit učora adkazaŭ na pytańni viernikaŭ i zaklikaŭ malitoŭna padtrymlivać niezakonna zatrymanych i pakryŭdžanych. Takaja supolnaja malitva budzie adbyvacca štodnia a 13-j hadzinie i supravadžacca chresnym chodam.