Biełaruskaja prahrama dla žanočaha zdaroŭja stała samaj papularnaj u śviecie ŭ App Store
Biełaruskaja prahrama dla žanočaha zdaroŭja Flo ŭ 2020 hodzie znoŭ stała samaj papularnaj u śviecie ŭ App Store, piša Dev.by.
Flo stała prahramaj z najbolšaj kolkaściu zapampovak dla iPad i iPhone ŭ katehoryi Health & Fitness pa ŭsim śviecie ŭ minułym hodzie. U 2019 hodzie pieršynstvo ŭ hetaj katehoryi taksama było za Flo.
U Flo Health, kampanii, jakaja zajmajecca raspracoŭkaj servisu, pracuje bolš za 260 supracoŭnikaŭ: u Minsku, Łondanie, San-Francyska. Niadaŭna ŭ kampanii abviaścili ab płanach adkryć ofis u Vilni.