Litva abviaściła ŭkrainskaha prapahandysta Šaryja piersonaj non hrata
Litva anulavała prapahandystu Anatolu Šaryju ŭsie dakumienty i abviaściła jaho piersonaj non hrata. Heta adbyłosia 10 maja.
facebook.com anatolijsharij
Pra heta RBK-Ukraina paviedamiła krynica ŭ pravaachoŭnych orhanach.
Pavodle najaŭnaj infarmacyi, Anatol Šaryj naniaŭ adnu z samych darahich advakackich kampanij u Litvie.
Litoŭskija jurysty śćviardžajuć, što paśpiachovaje abskardžańnie hetaha rašeńnia — małavierahodna. Heta źviazana z hruntoŭnaściu materyjałaŭ i najaŭnaściu palityčnaj padtrymki hetaha rašeńnia.
U pačatku sakavika Šaryja, padazravanaha ŭ dziaržaŭnaj zdradzie, ŭnieśli ŭ bazu vyšuku Ministerstva ŭnutranych spraŭ Ukrainy.
Słužba biaśpieki Ukrainy paprasiła mižnarodnuju pravavuju dapamohu ŭ spravie Šaryja. Čakajecca, što Kijeŭskaja haradskaja prakuratura pavinna padrychtavać dakumienty dla taho, kab była mahčymaść pravodzić śledčyja dziejańni na terytoryi inšych krain.
Da hetaha błohier dvojčy nie źjaviŭsia na dopyt u SBU, paśla čaho jaho abviaścili ŭ vyšuk.