Na błohiera Vadimati skłali novy pratakoł — za parušeńnie hramadskaha paradku
Na haradzienskaha błohiera Vadzima Jermašuka, jaki adbyvaje ŭ ščučynskim izalatary 25 sutak aryštu, skłali novy pratakoł. Pra heta paviedamiła jaho siabroŭka. Vadzimu moža pahražać štraf ci administracyjny aryšt, paviedamlaje «Viasna».
Sud budzie ŭ Hrodnie, ale kali i jakim čynam — pa skajpie ci z prysutnaściu Vadzima, pakul nieviadoma.
«Pieradaču ŭziali. U kamiery vielmi choładna. Trymajecca, ale ŭsio dajecca składana. Dziakuje ŭsim za dapamohu i padtrymku. Usim pryvitańnie!» — kaža siabroŭka Vadzima pra jaho stan.
Vadzima Jermašuka (błohier Vadimati) 19 žniŭnia asudzili na 25 sutak administracyjnaha aryštu za zakliki pryjechać na spartovaje masavaje mierapryjemstva — na skiejt-placoŭku ŭ Ščučynie.