Kiraŭnik RRB-banka Vital Drankievič nie prajšoŭ atestacyju Nacbanka
Drankievič, pavodle paviedamleńnia telehram-kanała «Ekanomika pa-biełarusku», pryznany «nie adpaviednym kvalifikacyjnym patrabavańniam i patrabavańniam da dziełavoj reputacyi, jakija pradjaŭlajucca da pasady kiraŭnika banka i niabankaŭskaj kredytna-finansavaj arhanizacyi».
«Nieadpaviednaść kvalifikacyi i patrabavańniam» nie zaminała 39‑hadovamu Drankieviču ŭznačalvać bank amal 6 hadoŭ, z sakavika 2016 hoda.
Fota: sb.by
Jon maje 3 vyšejšyja adukacyi: jurydyčnuju, ekanamičnuju i mižnarodnuju (Executive Master of Business Administration), kala 20 hadoŭ ahulnaha stažu pracy ŭ bankaŭskaj śfiery. Byŭ nieadnarazova ŭhanaravany jak dziaržaŭnymi ŭznaharodami, tak i mižnarodnymi biznes-premijami. U RRB-banku pracavaŭ z 2012 hoda.
Viasnoj i vosieńniu hetaha hoda nie prajšli taksama atestacyju Nacbanka troje top-mieniedžaraŭ «Alfabanka».