Paŭła Vinahradava pastavili ŭ SIZA na vielmi dziŭny ŭlik
Palitviazień Pavieł Vinahradaŭ ciapier pastaŭleny na ŭlik jak «schilny da zachopu zakładnikaŭ, napadu na administracyju i chulihanskich prajaŭ», paviedamlajuć pravaabaroncy.
Takoje rašeńnie pryniała administracyja turmy ŭ Žodzinie, dzie siadzić hramadski aktyvist. Palitviazień u kancy studzienia pravioŭ 7 dzion u ŠIZA.
Raniej Vinahradava ŭžo stavili na ŭlik jak «schilnaha da ekstremizmu i inšaj destruktyŭnaj dziejnaści».
Paŭła zatrymali 22 śniežnia 2021 hoda. Jaho abvinavačvajuć pavodle troch kryminalnych artykułaŭ: 130 (raspalvańnie rasavaj, nacyjanalnaj, relihijnaj abo inšaj sacyjalnaj varožaści), 342 (arhanizacyja i padrychtoŭka dziejańniaŭ, što hruba parušajuć hramadski paradak, abo aktyŭny ŭdzieł u ich), 387 (paklop u dačynieńni da prezidenta).