Kudy źnikaje biełaruskaja muka?
Pra toje, što puściejuć palicy z mukoj, raskazvajuć žychary roznych haradoŭ.
Tak, naprykład, vyhladali palicy ŭ adnym staličnym hipiermarkiecie.
Čytačy paviedamlajuć, što časam u kramach zastajecca tolki rasijskaja muka abo muka z dadatkami. Byvaje składana znajści lidskuju, asabliva vyšejšaha hatunku ci ŭ vialikich pačkach.
Što adbyvajecca? U «Lidachlebapradukcie» kažuć, što ŭsio praz ažyjataž na fonie vajny.
«Na siońnia idzie pavyšany popyt na muku. Naša pradpryjemstva pracuje ŭ płanavych abjomach vytvorčaści, jakija jość. Ale zajaŭki, jakija pastupajuć ad handlovych abjektaŭ, pavialičylisia ŭ try-čatyry razy. Na siońnia vykanańnie takich zakazaŭ nie pradstaŭlajecca mahčymym», — pryvodzić «Sputnik» kamientaryj namieśnika hienieralnaha dyrektara pa prodažach i markietynhu zavoda Siarhieja Kižuka.
Pa jaho słovach, abjomy syraviny dla vytvorčaści muki ŭ pradpryjemstva dastatkovyja.
«My prosta nie paśpiavajem vyrablać stolki muki, kolki prosiać handlovyja abjekty. Fizična niama mahčymaści vykanać usie zajaŭki. Našu pradukcyju my adhružajem va ŭsie rehijony Biełarusi ŭ miežach zvyčajnych siaredniamiesiačnych abjomaŭ. Ale ŭličvajučy pavyšany popyt, jana chutka razychodzicca».
Dniami ŭrad praciahnuŭ na try miesiacy zabaronu na vyvaz pšaničnaj muki ź Biełarusi (jana dziejničaje sa śniežnia 2021 hoda).