Brytanskaha błohiera i hramadzianku Biełarusi, zatrymanych na Bajkanury, adpuścili
Učora na Bajkanury zatrymali viadomaha błohiera Ryča Biendžamina, jaki viadzie kanał Bald and bankrupt, i hramadzianku Biełarusi — 31-hadovuju Alinu Calupu. Ale paśla ich ŭsio ž adpuścili.
Biendžamin Ryč, na čyj kanał padpisana 3,5 miljona čałaviek, raskazaŭ u Instahramie, što ich zatrymali za sprobu pahladzieć na kaśmičny čaŭnok «Buran» bieź śpiecyjalnaha dazvołu. Rasijskaja palicyja dapytvała niečakanych turystaŭ niekalki hadzin.
Błohieru vypisali štraf u 60 funtaŭ sterlinhaŭ (kala 250 biełaruskich rubloŭ).
Biendžamin Ryč. Fota: Instahram
Pa jaho słovach, paśla palicyja navat praviała im ekskursiju pa zakrytych častkach Bajkanura, daviezła na čyhunačny vakzał i adpuściła.