Sajt CityDog pačaŭ ekśpierymient, kab papularyzavać biełaruskuju movu
Jak paviedamiła redakcyja sajta, niekatoryja biełaruskamoŭnyja teksty, jakija vychodziać na CityDog, ciapier buduć supravadžacca aŭdyjadarožkami, ahučanymi hołasam «kupałaŭki» Kryściny Drobyš.
Ekśpierymient redakcyja robić z upeŭnienaściu, što dziakujučy takim aŭdyjatrekam ludzi, jakija nie vielmi dobra razmaŭlajuć pa-biełarusku, zmohuć razumieć rodnuju movu lepš — i ŭ vyniku chutčej jaje vyvučyć.
Karystacca novaj funkcyjaj prosta: paśla adkryćcia tekstu ŭklučajecca aŭdyjadarožka, raźmieščanaja na pačatku materyjału, a dalej možna prosta słuchać padkast ci sačyć pa tekście za hołasam dyktarki.