«Ukrainskaja praŭda»: Za padryvam Krymskaha mosta staić SBU
Za padryvam Krymskaha mosta 8 kastryčnika staić Słužba biaśpieki Ukrainy, paviedamlaje krynica «Ukrainskaj praŭdy» ŭ pravaachoŭnych orhanach.
U toj ža čas u samoj śpiecsłužbie pakul aficyjna nie kamientujuć svoj udzieł u hetaj padziei, abmiažoŭvajučysia paŭnamiokami.
Pra toje, što za razbureńniem Krymskaha mosta stajać nie niejkija vandały (jak abviaściła rasijskaja prapahanda), a ŭkrainskija śpiecsłužby i vajskoŭcy, skazaŭ u śpiecefiry na kanale «Chadarkoŭski.Live» i ŭkrainski vajskovy ekśpiert Raman Śvitan.
Viersiju z aŭtamabilem jon nazvaŭ bolš vierahodnaj: tak lahčej było sinchranizavać vybuch ź ciahnikom. Ale moh być i ŭdar supraćkarabielnaj rakietaj «Harpun», jaki patapiŭ u červieni rasijski karabiel.
Śvitan ličyć, što Rasii niama čym adkazać na hety ŭdar pa jaje imidžu i infrastruktury — usia mahčymaja zbroja i tak užo ŭžyvajecca. A jadzierny ŭdar jon ličyć miedyjnaj strašyłkaj i fantastyčnym scenaryjem:
«Heta adminusuje ŭsiu rasijskuju viarchušku, heta vydatna viedaje i Pucin, i vajenna-palityčnaje kiraŭnictva». Ich ruka da jadziernaj knopki nie paciahniecca, pierakanany vajskovy ekśpiert.