Krymski most abvaliŭsia paśla vybuchu na im u noč paśla 70-hodździa Uładzimira Pucina
Na moście adbyŭsia vybuch, paśla čaho zaharelisia cysterny z palivam u hruzavym ciahniku, a dva praloty mosta abvalilisia.
Vybuch adbyŭsia a 6-j hadzinie ranicy. Daroha ŭ ahni, achopleny połymiem hruzavy ciahnik.
«RIA Novosti» sa spasyłkaj na miascovyja ŭłady paviedamlaje, što haryć cysterna z palivam. Ruch pa moście spynieny, sudnachodnyja arki nie paškodžanyja.
Pres-słužba «Krymskaj čyhunki» paviedamiła, što pažar na Kierčanskim moście pačaŭsia z zaharańnia paliŭnaj cysterny ŭ chvaście hruzavoha ciahnika.
«U 06:05 aparatura pakazała padmannuju zaniataść na čyhunačnych šlachach na čyhunačnaj častcy transpartnaha pierachodu praz Kierčanski praliŭ. Adbyłosia ŭzharańnie paliŭnaj cysterny ŭ chvaście hruzavoha ciahnika. Łakamatyŭ z častkaj vahonaŭ vyviedzieny na stancyju Kierč. Viaducca avaryjnyja pracy. Pryčyny zdareńnia vyśviatlajucca», — havorycca ŭ paviedamleńni.
Raniej takuju ž viersiju zdareńnia na moście vykazaŭ daradca kiraŭnika anieksavanaha Kryma Aleh Kručkoŭ. Pry hetym na šmatlikich kadrach, jakija publikujucca vidavočcami ŭ sacyjalnych sietkach, vidać, što akramia pažaru na čyhunačnaj častcy mosta było razburana taksama darožnaje pałatno.
Ruch pa Krymskim moście całkam zakryty, rychtujecca zapusk paromnaj pierapravy praz praliŭ, zajavili «ułady Kryma».
U Nacyjanalnym antyterarystyčnym kamitecie Rasii vydańniu RBK paviedamili, što na Krymskim moście adbyŭsia padryŭ hruzavoha aŭtamabila. U vyniku taho zaharelisia siem paliŭnych cysternaŭ ciahnika.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski8
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2323
Kamientary