U Śvietłahorsku — masavyja zatrymańni
Pravaabaroncam viadoma minimum pra siemiarych zatrymanych — čaćviarych mužčyn i troch žančyn.
14 lutaha ŭ Śvietłahorsku zatrymali niekalki miascovych žycharoŭ.
Paviedamlajecca pra siemiarych zatrymanych. Siarod ich — Anatol Źmitrovič, jaki da niadaŭniaha času byŭ indyvidualnym pradprymalnikam i aktyŭnym udzielnikam pradprymalnickaha ruchu. Jon viadomy taksama jak ekałahičny aktyvist u pieryjad budaŭnictva i zapusku Śvietłahorskaha celułozna-kardonnaha kambinata, kali adbyvalisia šmatlikija vykidy škodnych rečyvaŭ u atmaśfieru. Apošnim časam pracuje ŭ adnym z pradpryjemstvaŭ u halinie aŭtaservisu.
Jašče adna z zatrymanych — Taćciana Žuraŭskaja, staršynia respublikanskaha hramadskaha abjadnańnia «Ludzi plus», jakoje pracuje z tymi, kaho zakranuła prablema VIČ.
Astatnija zatrymanyja pracujuć na roznych pradpryjemstvach horada.