U Nalibockaj puščy žyvuć i množacca ŭnikalnyja dzikija koni ŠMAT FOTA
U Respublikanskim łandšaftnym zakaźniku «Nalibockaja pušča» žyvuć sotni dzikich tarpanapadobnych koniej parody konik, jakich u 2019 hodzie na biazvypłatnaj asnovie pieradali zakaźniku Niderłandy, piša BiełTA. Koniej vyrašyli viarnuć tudy, dzie jany žyli kaliści.
Meta hetaha prajekta — poŭnaje adnaŭleńnie charčovaha łancužka, jaki isnavaŭ raniej. Praściej kažučy, dzikija koni majuć vykonvać rolu «hazonakasiłak» — padtrymlivać pašy ŭ vysokapraduktyŭnym stanie i nie davać im zarastać. Heta dazvolić zabiaśpiečvać zubroŭ, aleniaŭ i inšych žyvioł maładymi, sakavitymi i pažyŭnymi karmami.
Tarpanavidnych koniej kateharyčna nielha karmić, tolki ŭ surovyja zimy dla ich dazvalajecca niaznačnaja prafiłaktyčnaja padkormka.
Jość i jašče adna ŭmova: biełaruskija laśničyja nie pavinny zmahacca z drapiežnikami i akazvać dzikim koniam vieterynarnuju dapamohu.