Rasija hatovaja dać Biełarusi adterminoŭku pa kredycie za BiełAES i dazvolić vypłaty ŭ rublach
Rasijski ŭrad uchvaliŭ prajekt pratakoła, jaki pieranosić na 2024 hod termin pačatku pahašeńnia Biełaruśsiu kredytu na budaŭnictva Biełaruskaj AES u Astraŭcy.
Dakumient padpisany premjer-ministram RF Michaiłam Mišuścinym i apublikavany na rasijskim aficyjnym partale pravavoj infarmacyi.
Havorka pra źmieny ŭ mižuradavym pahadnieńni ad 2011 hoda pra kredyt Biełarusi ŭ 10 młrd dalaraŭ na budaŭnictva BiełAES.
Prajekt pratakoła praduhledžvaje, što pahašeńnie kredytu musić pačacca praz 6 miesiacaŭ z daty ŭvodu ŭ ekspłuatacyju BiełAES, ale nie paźniej za 1 krasavika 2024 hoda. Pry hetym vypłačvać jaho Biełaruś budzie ŭ rasijskich rublach.
Ministerstvu finansaŭ i MZS Rasii daručana pravieści pieramovy ź biełaruskim bokam i pa dasiahnieńni damoŭlenaści padpisać pratakoł.