Va ŭkrainskim vojsku źjavilisia try roty ŭdarnych bieśpiłotnikaŭ
Va ŭkrainskim vojsku ŭžo hatovyja try ŭdarnyja roty ź bieśpiłotnikami ŭkrainskaj vytvorčaści, paviedamiŭ vice-premjer i ministr ličbavaj transfarmacyi Ukrainy Michaił Fiodaraŭ.
«Ukrainskaja armija aktyŭna transfarmujecca i atrymlivaje ŭnikalny vopyt u samaj technałahičnaj vajnie ŭ historyi. Raniej razam z Hienštabam my anansavali stvareńnie pieršych u śviecie ŭdarnych rot BPŁA. Z całkam novym padychodam da kiravańnia, navučańnia i daktrynie prymianieńnia dronaŭ.
Siońnia pieršyja try ŭdarnyja roty BPŁA ŭžo hatovyja da boju. Razam z partniorami całkam ich ukamplektavali. Pieradali pikapy, udarnyja koptary i starlinki. Usie bieśpiłotniki ŭkrainskaj vytvorčaści. Abstalavańnie dla ŭdarnych rot armii dronaŭ nabyli pryvatnyja donary».
Pavodle Fiodarava, hetyja bieśpiłotniki buduć vykonvać jak raźviedvalnyja, tak i ŭdarnyja zadačy.
Čytajcie taksama:
Rasijski ekśpiert pryznaŭ pieravahu taktyki ŭkrainskaj armii
Z sastarełaj taktykaj ničoha nie budzie. Rasijski ekśpiert nazvaŭ pryčyny paražeńniaŭ svajoj armii
Hubiernatar akupavanaha Sievastopala paviedamiŭ pra ataku «nadvodnych bieśpiłotnikaŭ»
Vajna bieśpiłotnikaŭ va Ukrainie zaležyć ad pryvatnaj kitajskaj kampanii