Ukrainskaja armija maje strukturu kiravańnia, jakaja zasnavanaja na pryniaćci chutkich samastojnych rašeńniaŭ z aporaj na pastajannuju i ŭstojlivuju suviaź i pastajannaje pastupleńnie infarmacyi ab stanoviščy, pryznaje ekśpiert.
Na heta źviartajecca ŭvaha ŭ vialikim analityčnym materyjale, raźmieščanym na sajcie tak zvanaha «Kaardynacyjnaha centra dapamohi Navarosii» — inicyjatyvy, jakaja hurtuje šavinistyčnych aktyvistaŭ.
Aŭtary padrabiazna razhladajuć taktyku ŭkrainskaj armii.
Hałoŭnaje ŭ joj — prymianieńnie na praktycy daktryny viadzieńnia manieŭranaj vajny. Mienavita jana dazvalaje nieści straty ŭ našmat mienšym vymiareńni ŭ paraŭnańni z voraham.
U takoj daktrynie viadučaja rola adviedzienaja mabilnaj piachocie. Zabiaśpiečanaja sučasnymi supraćtankavymi srodkami (pieranosnyja zienitna-rakietnyja kompleksy «Džavielin» i «Stynhier») jana vykarystoŭvaje raźvieddanyja, atrymanyja z dapamohaj bieśpiłotnikaŭ «Bajraktar» u režymie realnaha času.
Ukrainski bok dobra vyjaŭlaje i efiektyŭna vykarystoŭvaje «vokny» ŭ froncie, jakija składajucca z mabilizacyjnych padraździaleńniaŭ, što nie majuć ciažkaha ŭzbrajeńnia.
Jak pakazali bai, ukrainskija padraździaleńni ŭ nastupleńni abychodzili ačahi ŭpartaha supraciŭleńnia i z chodu zachoplivali nasielenyja punkty dy skryžavańni daroh tam, dzie nie było supracivu. Praryŭ frontu ŭ adnym miescy na dastatkovaj praciahłaści i na ŭsiu hłybiniu dazvalaje ŭkrainskim manieŭranym čaściam razryvać łancuhi kiravańnia i zabieśpiačeńnia vojskaŭ praciŭnika dy raźbivać jaho reziervy. Pahroza akružeńnia prymušaje rasijskija vojski adychodzić, pakidajučy techniku, i zdavacca ŭ pałon kaštoŭnym vajskovym śpiecyjalistam.
Ukrainski bok zdoleŭ efiektyŭna ŭmacavać pazicyi, što zaviało rasijskija vojski ŭ pazicyjny tupik.
Skancentravaŭšysia na zabieśpiačeńni abarony, ukrainskija vojski niasuć minimalnyja straty ŭ paraŭnańni z rasijskimi, jakija vymušanyja šturmavać pazicyi. Paśla taho, jak ukrainski bok vyrašaje, što abaronny patencyjał kankretnaha rajona siabie vyčarpaŭ, jon adychodzić na zahadzia padrychtavanyja pazicyi.
Pry pahrozie akružeńnia ŭkrainskaje kamandavańnie imkniecca vyvieści bajazdolnyja siły.
U tyle jany dakamplektujucca i prachodziać navučańnie na novyja standarty viadzieńnia bajavych dziejańniaŭ. Pry hetym hałoŭnaj zadačaj źjaŭlajecca stvareńnie jak maha bolš bujnych i dobra kiravanych mabilnych hrupirovak z sučasnym ciažkim uzbrajeńniem. USU vučacca vajavać bataljonami, bryhadami i karpusami. Čas na navučańnie jany atrymali dziakujučy praciahłaj abaronie Bachmuta.
Ukrainskaja armija maje strukturu kiravańnia, jakaja zasnavanaja na pryniaćci chutkich samastojnych rašeńniaŭ z aporaj na pastajannuju i ŭstojlivuju suviaź i pastajannaje pastupleńnie infarmacyi ab stanoviščy. Hałoŭnaja jaje pieravaha — chutkaść i jakaść kiravańnia miechanizavanymi hrupoŭkami.
Ekśpiert ličyć, što dziakujučy pieradavym sistemam kiravańnia i suviazi ŭkrainskaja armija va ŭsich vypadkach budzie ŭ bolš vyhadnym stanoviščy na poli boju. I heta budzie vyrašalnym.
Čytajcie jašče:
Z sastarełaj taktykaj ničoha nie budzie. Rasijski ekśpiert nazvaŭ pryčyny paražeńniaŭ svajoj armii
Rasijskija straty na vajnie z Ukrainaj bjuć rekordy
Stała viadoma, kolki snaradaŭ vypuskaje Ukraina štomiesiac i kolki płanuje. Ličby ŭražvajuć
Kamientary
Da taho ž ichni tachtamyš za adzin tolki hod zrabiŭ bliskučuju karjeru ad kiraŭnika bujnoj nuklearnaj dziaržavy(a raniej jašče i partner G8)da vulharnaha vajennaha złačynca,iakomu navat Makron z hiermancami pierastali ŭ dupu duć.
A jaki dziki žach byŭ paŭstaŭ dla h.zv. «vojska RB»,kali b papaŭźli...Hety parad skončyŭsia b za sodzień.
A mo i raniej.