Reźnikaŭ raspavioŭ pra bunkier Minabarony Ukrainy ŭ Hastomieli: pałova ministerstva mahła trapić u pałon u pačatku vajny
Ministr abarony Ukrainy Alaksiej Reźnikaŭ raspavioŭ «UP», što, kali b jon u pačatku poŭnamaštabnaha ŭvarvańnia Rasii dziejničaŭ pa pratakole biaśpieki, to, mahčyma, trapiŭ by ŭ pałon.
Ministr abarony Ukrainy Alaksiej Reźnikaŭ. Fota: fejsbuk
Pa słovach Reźnikava, abaronieny kamandny punkt Minabarony Ukrainy, kudy ministr pavinien byŭ jechać sa svajoj kamandaj, znachodziŭsia ŭ Hastomieli, kudy rasijanie, jak potym stała vidavočna, nakiravali mahutny ŭdar, u tym liku ŭ vyhladzie masiravanaj vysadki desantu.
«Abaronieny kamandny punkt, jaki byŭ zamacavany za maim piersanałam, znachodziŭsia, budziecie śmiajacca, u Hastomieli, u abaronienym miescy, jakoje pieršym ža patrapiła ŭ zasadu. Tearetyčna, kali b my tudy pieramiaścilisia chacia b za dzień-dva, to ŭ mianie pałova ministerstva była b tam, amal u pałonie», — skazaŭ jon.
Tamu supracoŭniki ministerstva, pavodle rašeńnia Reźnikava, «raspylilisia» pa roznych budynkach, jakija naležać Ministerstvu abarony.