«Nivodnaj vy tak i nie źniščyli». Minabarony Ukrainy pakazała, jak źbierahaje HIMARS

Minabarony Ukrainy pakazała, jak źbierahaje amierykanskija reaktyŭnyja sistemy załpavaha ahniu HIMARS, a taksama paviedamiła, što da hetaha času nie było źniščana nivodnaj ustanoŭki. Pra heta ŭkrainskaje viedamstva paviedamiła ŭ tvitary.

A friendly reminder from Captain HIMARS...
To whom it may concern.

P.S. There hasn't been a single HIMARS system destroyed so far. Want to know why? pic.twitter.com/5hPz9Xu35d

— Defense of Ukraine (@DefenceU) May 3, 2023

U videa ŭkrainski vajskoviec źviartajecca pa-rusku da rasijskich sałdataŭ.

«Ruski sałdat, mianie zavuć kapitan HIMARS, i ja trymaju svajo słova. Ja nie bju pa kazarmach tych siektaraŭ, adkul ja atrymlivaju kaardynaty braniatechniki i składoŭ bojeprypasaŭ. Tabie praciahvajuć chłusić, što HIMARS praktyčna nie zastałosia.

Pahladzi, u jakich umovach my ich zachoŭvajem. Heta vajskovyja abjekty, pabudavanyja jašče ŭ Savieckim Sajuzie. Im nie strašnyja navat jadziernyja ŭdary. Z pačatku vajny nie było źniščana nivodnaj sistemy HIMARS. 

Ruski sałdat, praciahvaj dasyłać mnie kaardynaty celaŭ, i tady śmierć nie abryniecca na ciabie ź nieba», — havorycca ŭ zvarocie.

Čytajcie taksama:

Paviedamleńni Maskvy ab źniščeńni dziasiatkaŭ HIMARS mohuć być praŭdaj. Čechija štomiesiac vypuskaje 35 humovych makietaŭ RSZA HIMARS, jakija adrazu pastaŭlajucca va Ukrainu

Kamientary da artykuła