Paviedamleńni Maskvy ab źniščeńni dziasiatkaŭ HIMARS mohuć być praŭdaj. Čechija štomiesiac vypuskaje 35 humovych makietaŭ RSZA HIMARS, jakija adrazu pastaŭlajucca va Ukrainu
Rasijski bok vypuskaje darahija rakiety pa nadzimanych makietach rakietnych sistem załpavaha ahniu.
Vytvorčaść vysokadakładnych nadzimanych makietaŭ tankaŭ, a taksama RSZA HIMARS była naładžanaja amal hod tamu ŭ češskim horadzie Dečyn. U mai 2022 hoda hetaja fabryka vyrablała 15 makietaŭ tankaŭ. Ciapier kožny miesiac z kanviejera sychodzić 35 makietaŭ RSZA HIMARS, jakija adrazu pastaŭlajucca va Ukrainu. Siužet ab hetym dniami źjaviŭsia ŭ tvitary.
Ab efiektyŭnaści ich vykarystańnia śviedčyć taki fakt, jak niadaŭniaja infarmacyja ab źniščeńni rasijskim bokam na 140% bolej ustanovak, čym było pastaŭlena Ukrainie.
Vykarystańnie nadzimanych makietaŭ słužyć nie tolki dla zabłytvańnia rasijskich napadnikaŭ. U pieršuju čarhu, heta paraŭnalna tannyja mišeni dla rasijskich rakiet i snaradaŭ, jakija kaštujuć vialikich hrošaj. Vytvorčaść adnoj nadzimanaj «prynady» abychodzicca ŭ dzsiatki razoŭ tańniej, čym kaštuje lubaja vysokadakładnaja rakieta.
Na toje, kab nadźmuć makiet, idzie ad dziesiaci chvilin (HIMARS) da paŭhadziny (tank). Z pavietra i z kosmasu takaja «ustanoŭka» vyhladaje padmanliva sapraŭdnaj.
Raniej paviedamlałasia pra toje, što Ukraina taksama vykarystoŭvaje mulažy HIMARS z dreva.
Jość źviestki ab tym, što nadzimanyja tanki i puskavyja ŭstanoŭki «maje na ŭzbrajeńni» i rasijski bok.
Vykarystańnie na vajnie mulažoŭ maje daŭniuju historyju. Naprykład, padčas Druhoj suśvietnaj vajny sajuźniki z pośpiecham vykarystoŭvali tak zvanuju «Armiju pryvidaŭ» z humavych tankaŭ.
Kamientary