86-hadovaha Bierłuskoni vypisali z balnicy. Jon pravioŭ tam paŭtara miesiaca
Bierłuskoni trapiŭ u balnicu 5 krasavika.
Silvia Bierłuskoni. Fota: Andrew Medichini / AP
Były premjer-ministr Italii Silvia Bierłuskoni ŭ piatnicu byŭ vypisany z balnicy ŭ Miłanie. Palityk pravioŭ pad nahladam daktaroŭ paŭtara miesiaca, paviedamlaje AP.
86-hadovy palityk trapiŭ u balnicu 5 krasavika. Daktary paćvierdzili, što eks-premjer prachodzić lačeńnie ŭ suviazi ź infiekcyjaj lohkich.
Akramia taho, u jaho dyjahnastavany chraničny mijełamonacytarny lejkoz — heta redki typ raku kryvi, charakterny dla pažyłych pacyjentaŭ.
Bierłuskoni pravioŭ 12 dzion u adździaleńni intensiŭnaj terapii.
Palityk, jaki źjaŭlajecca lidaram kaalicyjnaj kansiervatyŭnaj partyi Forza Italia i deputatam Vierchniaj pałaty Sienata, apošnija hady maje prablemy sa zdaroŭjem. Tak, u 2020 hodzie jon pieranios Covid-19 i pravioŭ u balnicy 10 dzion.
Čytajcie taksama:
Bierłuskoni zajaviŭ, što nie staŭ by sustrakacca ź Zialenskim
Bierłuskoni paśla krytyki Zialenskaha zajaviŭ, što jon na baku Ukrainy
Lidar ultrapravych «Bratoŭ Italii» Džordža Miełoni stała novym premjer-ministram krainy