Lidar ultrapravych «Bratoŭ Italii» Džordža Miełoni stała novym premjer-ministram krainy
Upieršyniu ŭ historyi premjeram krainy stała žančyna, piša Bi-bi-si.
Lidar pravaj partyi «Braty Italii» Džordža Miełoni stała novym premjer-ministram krainy. U subotu ranicaj Miełoni i ministry jaje kaalicyjnaha ŭrada byli pryviedzieny da prysiahi.
Napiaredadni prezident Italii Sierdža Matareła aficyjna daručyŭ Džordžy Miełoni sfarmavać kaalicyjny ŭrad krainy, što jana i zrabiła, abviaściŭšy paźniej u piatnicu imiony ŭsich 24 ministraŭ. U novy ŭrad uvajšli try partyi: akramia «Bratoŭ Italii», heta «Liha» Matea Salvini i «Napierad, Italija!», jakuju aficyjna ŭznačalvaje Antonia Tajani, a nieaficyjna — eks-premjer Silvia Bierłuskoni.
Salvini i Tajani stali vice-premjerami. Tajani, akramia taho, zaniaŭ pasadu ministra zamiežnych spraŭ, a Salvini — ministra infrastruktury.
Kiraŭnikom MUS staŭ Matea Pjantedozi, jaki ličycca prychilnikam Salvini i zmaharom suprać nielehalnaj imihracyi. Ministram justycyi stanie Karła Nordzia (partyja «Braty Italii»), ministram abarony — Huida Krazieta («Braty Italii»).
Ministerstva ekanomiki ŭznačaliŭ pradstaŭnik «Lihi» Džankarła Džordžeci, Ministerstva ekanamičnaha raźvićcia — Adolfa Ursa («Braty Italii»), Ministerstva enierhietyki — Paoła Dzanhryła z partyi «Napierad, Italija!».
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy27
Kamientary