U Varoniežy ŭpaŭ bieśpiłotnik i paškodziŭ žyły dom
Zdareńnie ź bieśpiłotnikam u Varoniežy paćvierdzili miascovyja ŭłady.
Fota: telehram-kanał Mash
Bieśpiłotnik urezaŭsia ŭ akno žyłoha doma.
Hubiernatar Alaksandr Husieŭ spačatku paviedamiŭ, što dva čałavieki paranienyja, a na miescy pracujuć śpiecsłužby. Fota i videa ź miesca zdareńnia vykłali telehram-kanały Mash i RBK.
Paźniej hubiernatar zajaviŭ pra troch paciarpiełych.
«Traich čałaviek pasiekła askiepkami škła. Dapamoha akazanaja na miescy, ad špitalizacyi ludzi admovilisia».
Kanał Baza piša, što bieśpiłotnik moh lacieć u bok aeradroma Bałtymar, a pa viersii kanała Shot — heta moh być kirunak u bok avijacyjnaha zavoda na vulicy Cyjałkoŭskaha.