U Bałtyjskim mory zavioŭsia akuń, jaki kusaje ludziej
«Jon jeść usio, što traplaje jamu na šlachu», — kažuć śpiecyjalisty.
Soniečny akuń. Fota: Wikimedia Commons
U Finlandyi źjaviŭsia soniečny akuń, jaki kusaje ludziej, abaraniajučy miesca adkładvańnia ikry, piša Postimees sa spasyłkaj na partał Yle.
«Kali vy vypadkova prapłyviacie pobač ź nierastam, akuń abaviazkova ŭkusić vas. Na ščaście, u soniečnaha akunia niama vialikich zuboŭ, ale jon moža paščypvać», — skazaŭ pradstaŭnik finskaj rybałoŭnaj supolnaści Jucha Ojacharju.
«Soniečny akuń jeść usio, što traplajecca jamu na šlachu», — dadaje jon.
Śpiecyjalist Centra pryrodnych resursaŭ Finlandyi Sana Kuninhas zaklikała miascovych žycharoŭ paviedamlać, kali jany ŭbačać hetuju rybu ŭ pryrodzie.
Naturalny areał soniečnaha akunia — Paŭnočnaja Amieryka ad Paŭnočnaj Dakoty da Ńju-Džersi i ad Hudzonava zaliva da Paŭdniovaj Karaliny. Sustrakajecca jon i va Uschodniaj Jeŭropie. U Biełarusi, zdajecca, pakul hetaha akunia nie vyjaŭlena.