Prezident PAR nazvaŭ 10 punktaŭ mirnaha płana pa ŭrehulavańni kanfliktu pamiž Ukrainaj i Rasijaj
Prezident Paŭdniova-Afrykanskaj Respubliki Sirył Ramafosa na pres-kanfierencyi pa vynikach pieramoŭ z prezidentam Ukrainy Uładzimiram Zialenskim nazvaŭ 10 asnoŭnych składnikaŭ mirnaha płana afrykanskich krain:
Sirył Ramafosa. Fota: Wikimedia Commons
- kanflikt pavinien być urehulavany mirnym šlacham;
- pieramovy ab miry musiać pačacca jak maha chutčej;
- nieabchodna deeskałacyja z abodvuch bakoŭ;
- pavinna być zabiaśpiečana suvierennaść dziaržaŭ i narodaŭ u adpaviednaści sa Statutam AAN;
- nieabchodnyja harantyi biaśpieki dla ŭsich krain;
- pavinien być zabiaśpiečany ruch zbožžavych i ŭhnajeńniaŭ abiedźviuch krain;
- nieabchodna zabiaśpiečyć humanitarnuju padtrymku paciarpiełym;
- pavinna być urehulavana pytańnie abmienu pałonnymi i viartańnia dziaciej;
- pavinna być zabiaśpiečana «paślavajennaje adnaŭleńnie»;
- bolš ciesnaje ŭzajemadziejańnie z krainami Afryki.
Učora delehacyja kiraŭnikoŭ krain Afryki naviedała Kijeŭ, dzie sustrełasia z Uładzimiram Zialenskim. Siońnia jana pavinna naviedać Sankt-Pieciarburh dziela sustrečy z Uładzimiram Pucinym.
Čytajcie taksama:
Zialenski afrykancam: Nijakich pieramoŭ, pakul rasijskija vojski na ŭkrainskaj ziamli, nie budzie
Voś čamu prapanova krain Afryki daje vialikuju nadzieju Biełarusi
Afrykanskija krainy prapanujuć Ukrainie i Rasii śpis umovaŭ dla pieramoŭ. Tam zhadvajecca i Biełaruś