Zialenski afrykancam: Nijakich pieramoŭ, pakul rasijskija vojski na ŭkrainskaj ziamli, nie budzie
Prezident Ukrainy Uładzimir Zialenski zajaviŭ, što mirnyja pieramovy z Rasijaj mahčymyja tolki paśla poŭnaha vyvadu rasijskich vojskaŭ z akupavanych terytoryj. Hetyja słovy prahučali na pres-kanfierencyi ŭ Kijevie paśla pieramoŭ z delehacyjaj lidaraŭ krain Afrykanskaha sajuza, paviedamlaje «Ukrainskaja praŭda».
«Siońnia ja vyrazna nieadnarazova skazaŭ na našaj sustrečy — dapuścić lubyja pieramovy z Rasijaj zaraz, kali akupant na našaj ziamli, — heta značyć zamarozić vajnu, zamarozić bol i pakuty…
Rasija doŭha sprabavała padmanuć usich z «Minskam». Vidavočna, što Rasija sprabuje ciapier viarnucca da svajoj staroj prymityŭnaj taktyki padmanu. Ale padmanuć śviet Rasii bolš nie ŭdasca. Padmanuć Ukrainu dakładna niemahčyma.
Jašče raz padkreślu: patrebny realny mir, a značyć — realny vyvad rasijskich vojskaŭ z usioj našaj niezaležnaj ziamli», — vyrazna zaznačyŭ Zialenski.
Što da pytańnia pastavak zbožža i inšych praduktaŭ z Ukrainy, jakoje najbolš cikavić afrykanskich lidaraŭ, to tut jon adznačyŭ:
«Pastaŭka praduktaŭ charčavańnia pavinna być nadziejna harantavanaja, a prava kožnaha čałavieka na ježu pavinna być zabiaśpiečana spynieńniem lubych sprobaŭ takich dziaržaŭ, jak Rasija, vykarystoŭvać pahrozu hoładu i sacyjalnaj niestabilnaści dla šantažu naroda».
Čytajcie taksama:
Voś čamu prapanova krain Afryki daje vialikuju nadzieju Biełarusi
Afrykanskija krainy prapanujuć Ukrainie i Rasii śpis umovaŭ dla pieramoŭ. Tam zhadvajecca i Biełaruś
Zialenski: Kali kontrnastup budzie paśpiachovym, Rasija prajhraje vajnu
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej20
Kamientary