Sajt śvietłahorskaha telekanała «Ranak» zabłakavaŭ Mininfarm
11 červienia ŭ Śvietłahorsku było zatrymana vosiem supracoŭnikaŭ telekanała «Ranak». Ciapier sajt telekanała pierastaŭ adkryvacca, zaŭvažyła «Viasna».
Zamiest sajta čytačy bačać «zahłušku Mininfarma» z paviedamleńniem, što «dostup da resursu abmiežavany».
Sapraŭdnaj pryčynaj prablem telekanała moh stać siužet pra vybuch na Śvietłahorskim CKK, u jakim zahinuła try čałavieki. Heta zdareńnie aśviatlaŭ «Ranak».
Na ŭsich zatrymanych skłali pratakoły pa č. 2 art. 19.11 KaAP. Mužčynam prysudzili pa siem sutak administracyjnaha aryštu, žančynam — štrafy ŭ pamiery 25 bazavych vieličyń.