Situacyja z zatrymanymi žurnalistami ŭ Śvietłahorsku: mužčyn pakarali sutkami, žančyn — štrafami
Stali viadomyja padrabiaznaści zatrymańniaŭ i sudoŭ nad supracoŭnikami śvietłahorskaha telekanała «Ranak».
U piatnicu zatrymali dzieviać supracoŭnikaŭ «Ranak-miedyja» i «Ranak-rekłama».
Siarod ich Andrej Lipski — žurnalist, Pavieł Rabko — apieratar, Vadzim Viežnaviec — hałoŭny redaktar miedyjakampanii, Uładzimir Papoŭ — apieratar, Maryna Byčkoŭskaja — markietołah, Alena Kisialova — hałoŭnaja buchhałtarka, Kryścina Kazialkova — sakratarka, Hanna Zhurskaja (ciažarnaja žančyna, na jakuju skłali pratakoł i adpuścili, suda nad joj pakul nie było), Jelizavieta Šavialenka (jaje taksama adpuścili paśla składańnia pratakoła, bo jana maje invalidnaść, suda taksama pakul nie było).
Viadoma, što ŭsich zatrymlivali ŭ roznych miescach paśla pracoŭnaha dnia. Adnu z žančyn zatrymali navat u inšym horadzie.
Na ŭsich zatrymanych skłali pratakoły pa č. 2 art. 19.11 KaAP (raspaŭsiud ekstremisckich materyjałaŭ).
Mužčynam prysudzili pa 7 sutak administracyjnaha aryštu, Byčkoŭskaj, Kisialovaj i Kazialkovaj — štraf pamieram 25 bazavych vieličyń (925 rubloŭ), piša «Homielskaja viasna».
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy2
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary