BIEŁ Ł RUS

Bieśpiłotnik znoŭ atakavaŭ Maskvu. Paškodžany «Ekspacentr»

18.08.2023 / 6:49

Nashaniva.com

Stalicu Rasii znoŭ atakavaŭ bieśpiłotnik, unačy 18 žniŭnia vybuch prahrymieŭ u rajonie biznes-centra «Maskva-Sici», paškodžany budynak «Ekspacentra».

Fota: Baza

Pavodle infarmacyi «Baza», vybuch adbyŭsia niedaloka ad viežaŭ biznes-centra «Maskva-Sici».

«Za niekalki siekund da vybuchu vidavočcy bačyli bieśpiłotnik, jaki pralataŭ», — piša kanał.

Kanał «Shot» paviedamiŭ, što na miescy vybuchu byŭ bačny nievialiki słup dymu, tudy nakiravalisia ratavalniki.

Paviedamlajecca, što BPŁA ŭpaŭ na dach «Ekspacentra» ŭ rajonie «Maskvy-Sici», prabiŭšy dach.

U toj ža čas mer Maskvy Siarhiej Sabianin napisaŭ, što siły supraćpavietranaj abarony źbili bieśpiłotnik, a jaho abłomki ŭpali ŭ zonu «Ekspacentra».

«Siońnia nočču pry sprobie pralotu na Maskvu siłami SPA byŭ źniščany bieśpiłotnik. Abłomki BPŁA ŭpali ŭ zonie «Ekspacentra», značnych razbureńniaŭ budynku nie nanieśli. Papiarednie paciarpiełych niama», — zajaviŭ jon.

Pavodle papiarednich źviestak «Baza», u 8-m paviljonie «Ekspacentra» adbyłosia abrušeńnie na płoščy 30 kv. m.

Nahadajem, što ŭnačy 30 lipienia i 1 žniŭnia bieśpiłotniki atakavali budynak centra «Maskva-Sici».

Čytajcie taksama:

Bieśpiłotnik znoŭ udaryŭ pa chmaračosie ŭ Maskva-Sici

Pad ranicu drony atakavali 50-paviarchovyja viežy Maskvy-Sici

Čytajcie taksama:

Kamientary da artykuła