U noč na 30 lipienia Maskvu atakavali bieśpiłotniki, jak paviedamiŭ mer rasijskaj stalicy Siarhiej Sabianin. Paškodžany fasady dźviuch ofisnych viežaŭ, achviar niama. Jašče dva drony było źbita sistemaj SPA ŭ Padmaskoŭi.
Mer Maskvy Siarhiej Sabianin paviedamiŭ, što ŭ vyniku zdareńnia akazalisia niaznačna paškodžanyja fasady dźviuch viežaŭ Maskvy-Sici. U 50-paviarchovym budynku IQ-kvartała byli paškodžany šyby na piatym i šostym pavierchach. Z budynkaŭ kompleksu «Maskva-Sici» evakujavali ludziej, paviedamlaje TASS.
U viežy «Voka-2» byli vybityja šyby ź pieršaha pa čaćviorty pavierchi.
U suviazi z nadzvyčajnym zdareńniem na vylety i pryloty zakryvaŭsia maskoŭski aeraport Unukava. U pavietranaj zonie Maskvy i Padmaskoŭja zabaraniali paloty.
U vyniku ataki bieśpiłotnikaŭ paciarpieŭ adzin čałaviek. Zahinułych niama.
U skład IQ-kvartała ŭvachodzić uradavy kompleks, dzie raźmieščana niekalki ministerstvaŭ i viedamstvaŭ, u tym liku Minekanamraźvićcia, Minpramhandal, Minličby, Fiederalnaje ahienctva spraŭ nacyjanalnaściaŭ, Rasakredytacyja i Rasstandart. Telehram-kanał «Aściarožna, Maskva» paviedamiŭ, što vybuchovaj chvalaj z ofisa vyniesła dakumientacyju Minličby.
Pavodle źviestak Minabarony Rasii, u napadzie ŭdzielničała try bieśpiłotniki — adzin ź ich źniščany ŭ pavietry nad Adzincoŭskim rajonam Maskoŭskaj vobłaści, dva inšyja źbityja srodkami radyjoelektronnaj baraćby, jany ŭpali na terytoryi Maskvy-Sici.
Raniejšyja ataki dronaŭ u hetym miesiacy na Maskvu byli 4, 24, 28 lipienia.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary