Na zakrytych litoŭskich KPP na miažy ź Biełaruśsiu źjavilisia pieršyja ŭmacavańni
18 žniŭnia apoŭnačy, kali ŭ Litvie byŭ zakryty KPP «Šumsk», tam źjavilisia pieršyja abarončyja ŭmacavańni dla spynieńnia mahčymych atak praciŭnika. Pra heta ŭ piatnicu paviedamiŭ kiraŭnik parłamienckaha kamiteta nacyjanalnaj biaśpieki i abarony Łaŭrynas Kaščunas, jaki sam naviedaŭ hety KPP, piša Delfi.lt.
Zdymak ilustracyjny. Fota: Artur Widak/NurPhoto via Getty Images
Łaŭrynas Kaščunas vykazaŭ zadavalnieńnie, što «pracesy iduć»:
«Ideju ŭstanoŭki fartyfikacyjnych umacavańniaŭ i srodkaŭ kontrmabilnaści my vyłučyli jašče letaś.
Raduje, što ideju realizujuć — u Litvie ŭ nas budzie 19 parkaŭ, u jakich buduć zachoŭvać srodki kontrmabilnaści i fartyfikacyjnyja srodki, u vypadku nieabchodnaści hetyja inžyniernyja struktury buduć vykarystanyja dla spynieńnia niepryjaciela».
Usio heta deputat prahnazuje zrabić na praciahu hoda, a pieršy park źjavicca vosieńniu 2023 hoda.
Akramia taho, pavodle jaho, pravodzicca analiz pryrodnych pieraškod i reljefu Litvy, kab damahčysia najbolšaj efiektyŭnaści ŭžyvanych srodkaŭ.
Čytajcie taksama:
Pamiežnyja pierachody «Šumsk» — «Łoša» i «Ćvierač» — «Vidzy» spynili pracu
Stała viadoma, kolki čałaviek prachodziła praz zakrytyja Litvoju pamiežnyja punkty
Litoŭski deputat pra zakryćcio dvuch pamiežnych pierachodaŭ: Heta sihnał Łukašenku