Hramadstva

Stała viadoma, kolki čałaviek prachodziła praz zakrytyja Litvoju pamiežnyja punkty

Punkty propusku «Šumskas» i «Ćviaračus» na biełaruska-litoŭskaj miažy štodnia vykarystoŭvali dla prajezdu bolš za 2000 čałaviek. Takija źviestki pryvioŭ načalnik litoŭskaj pamiežnaj słužby Rustamas Lubajevas, paviedamlaje Delfi.

Fota: DPK

Pavodle jaho, praz punkt «Ćviaračus» («Vidzy») jeździła štodień kala 600 čałaviek: pa try sotni ŭ adzin i druhi bok. Za pieršaje paŭhodździe praz punkt, pavodle źviestak litoŭskaha boku, prajšło amal 118 tysiač čałaviek.

Prapusknaja zdolnaść «Šumskasa» («Łoša») — bolšaja. Im karystalisia kala 1600 čałaviek štodzień. Praz Šumski punkt za pieršaje paŭhodździe prajechali 217 tysiač asob. 

Praz «Šumskas» prachodziŭ tolki lehkavy transpart, praz «Ćviaračus» — lehkavy i hruzavy parožni transpart.

Lubajevas adznačyŭ, što supracoŭniki zakrytych punktaŭ zastanucca tam prykładna na try dni. Paźniej hetyja pasty buduć achoŭvacca sistemami videanazirańnia.

«U pieršyja dni my płanujem pakinuć minimalnuju kolkaść — albo adnaho čałavieka, albo mabilny patrul, jaki budzie davoli časta naviedvać hety punkt propusku», — raskazaŭ jon.

U poŭnač 18 žniŭnia spynicca propusk u punktach «Šumskas» («Łoša») i «Ćviaračus» («Vidzy»). Takoje rašeńnie pryniaŭ litoŭski ŭrad. Hetyja miery, pavodle litoŭskaha boku, nakiravanyja na «adekvatnaje reahavańnie na hieapalityčnuju situacyju i pahrozu nacyjanalnaj biaśpiecy, a taksama na praduchileńnie kantrabandy tavaraŭ». 

Takim čynam, na biełaruska-litoŭskaj miažy dla prajezdu lehkavoha i hruzavoha transpartu praciahvajuć funkcyjanavać čatyry pahranpierachody:

«Łavaryškies» («Katłoŭka»);

«Miadzininkaj» («Kamienny Łoh»);

«Šalčyninkaj» («Bieniakoni»);

«Rajhardas» («Pryvałka»).

Va ŭsich hetych biełaruskich punktach propusku praduhledžana mahčymaść nabyćcia strachavych polisaŭ i abmienu valuty, paviedamlaje DPK. Akramia aŭtamabilnaha transpartu miažu dazvolena pierasiakać na rovary. Piešy paradak pierachodu zabaronieny. 

Na miažy z Polščaj dla lehkavych aŭto adkryty adzin punkt propusku — «Ciarespal» («Brest»), dla hruzavych — «Kukuryki» («Kazłovičy»).

Na miažy z Łatvijaj funkcyjanujuć dva punkty propusku, praź jakija mohuć ruchacca lehkavyja, hruzavyja aŭto i rovary:

«Paternijeki» («Hryharaŭščyna»);

«Silene» («Urbany»).

Kamientary

Ciapier čytajuć

20-hadovaja ŭkrainka źnikła ŭ Dubai paśla «viečarynki z šejchami». Zaraz jana tolki varušyć vusnami i nie moža ruchacca40

20-hadovaja ŭkrainka źnikła ŭ Dubai paśla «viečarynki z šejchami». Zaraz jana tolki varušyć vusnami i nie moža ruchacca

Usie naviny →
Usie naviny

Byłaja homielskaja sudździa-«kiler» uładkavałasia na pracu ŭ «Dabranom»7

Jak padać padatkovuju dekłaracyju ŭ Polščy ci Litvie i padtrymać pry hetym «Našu Nivu»4

«Kotapravod». U tyktoku nie mohuć razhadać pryznačeńnie dziŭnaj kanstrukcyi pamiž damami ŭ Fanipali14

U Mahilovie piaciarych čałaviek asudzili za padpał kijoska ŭ žniŭni 2020 hoda2

Abrali novaha prezidenta Mižnarodnaha alimpijskaha kamiteta2

Pucin adterminavaŭ dla Biełarusi płaciažy pa rasijskich kredytach. Havorka pra hihanckuju sumu18

Niamieckija ekśpierty znajšli ŭ dubajskim šakaładzie šmat cukru i navat ślady hrybka6

Zialenski anansavaŭ sustreču ŭkrainskich i amierykanskich dypłamataŭ

U Minsku znoŭ zahavaryli pra znos pryvatnaha siektara ŭ rajonie Arłoŭskaj

bolš čytanych navin
bolš łajkanych navin

20-hadovaja ŭkrainka źnikła ŭ Dubai paśla «viečarynki z šejchami». Zaraz jana tolki varušyć vusnami i nie moža ruchacca40

20-hadovaja ŭkrainka źnikła ŭ Dubai paśla «viečarynki z šejchami». Zaraz jana tolki varušyć vusnami i nie moža ruchacca

Hałoŭnaje
Usie naviny →

Zaŭvaha:

 

 

 

 

Zakryć Paviedamić