Zatrymali dvuch supracoŭnikaŭ instytuta «Biełhipraziem» i syna adnaho ź ich
Adzin z zatrymanych zajmaje pasadu načalnika adździeła ziemleŭparadkavańnia. Vinavaciać mužčyn u repostach niezaležnych ŚMI, a adnaho ź ich jašče va ŭdziele ŭ pratestach i napisańni ŭ boty niezaležnych miedyja.
Na fota źleva naprava: Dźmitryj Ciareščanka, Uładzisłaŭ i Ivan Brazinskija. Fota: «Kibierpartyzany», staronka «Ukantakcie» Uładzisłava Brazinskaha
Pra zatrymańni stała viadoma ź videa, vykładzienaha siłavikami.
Dvoje zatrymanych supracoŭnikaŭ prajektnaha instytuta «Biełhipraziem» — 42-hadovy viadučy inžynier Dźmitryj Ciareščanka i 46-hadovy načalnik adździeła ziemleŭparadkavańnia №3 Ivan Brazinski. Abodva mužčyny pracujuć va instytucie nie mienš za 20 hadoŭ. Ich vinavaciać u pierasyłcy infarmacyi ź niezaležnych ŚMI i «raspalvańni pratesnych nastrojaŭ na pradpryjemstvie». A Ivana jašče ŭ tym, što ŭ jaho doma była biełaruskaja nacyjanalnaja simvolika i jon rabiŭ ź joj fota.
Jašče adzin zatrymany — 22-hadovy syn Ivana, Uładzisłaŭ Brazinski. Chłopiec u 11-m kłasie ŭdzielničaŭ u alimpijadzie pa matematycy ad fakulteta prykładnoj matematyki BDU.
Uładzisłava vinavaciać taksama va ŭdziele ŭ pratestach i napisańni ŭ boty kanałaŭ «Biełaruś hałaŭnoha mozha» i NEXTA.
Imavierna, supracoŭnikaŭ «Biełhipraziema» aryštavali padčas abłavy na pradpryjemstvie z dahladam telefonaŭ. Taksama imavierna, što paśla aryštavali Uładzisłava — u videa siłavikoŭ pryvodzicca pierapiska, dzie Ivan ź niekim abmiarkoŭvaje ŭdzieł syna ŭ pratestach.
Čytajcie taksama:
Administracyja homielskaha zavoda rekamiendavała padnačalenym padtrymać zatrymańnie rabotnika za «ekstremizm». Mnohija pahadzilisia
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć