Administracyja homielskaha zavoda rekamiendavała padnačalenym padtrymać zatrymańnie rabotnika za «ekstremizm». Mnohija pahadzilisia
Homielski zavod lićcia i narmalej (ZŁiN) u svaich sacyjalnych sietkach vykłaŭ rolik u styli HUBAZiK. Pad im źjavilisia sotni adnatypnych kamientaroŭ. Fłahštok vyśvietliŭ, z čym heta moža być źviazana.
Na videa źniaty momant zatrymańnia rabotnika na terytoryi pradpryjemstva supracoŭnikami Homielskaha HUBAZiK. Zdymka viadziecca ź dźviuch kamier, što dazvalaje vykazać zdahadku, što zatrymańnie adbyłosia ź viedama kiraŭnictva arhanizacyi.
Zatrymanym akazaŭsia ślesar miechanazboračnych rabot ZŁiN Vital Svatkoŭski. Na videa mužčyna tłumačyć, što padstavaj pasłužyli łajki pad videa z akcyj pratestu ŭ «Adnakłaśnikach», zroblenyja ŭ 2020 hodzie.
Adrazu ž paśla publikacyi rolika na aficyjnych staronkach ZŁiNa ŭ sacyjalnych sietkach u kamientarach pačali publikavacca adnatypnyja paviedamleńni ŭ styli dziaržprapahandy: «My za mir, nie — ekstremizmu».
Znajšlisia i źlejšyja kamientatary. Karystalnik ź niknejmam tatiana_kamko pałaje nianaviściu da byłoha kalehi, zatrymanaha za łajki:
«Takija nieludzi nie pavinny pracavać u našym kalektyvie. My za mirnuju Biełaruś! My pamiatajem pra fašyzm i źvierstvy, jakija pieražyŭ naš narod i prykładziem usie namahańni, kab heta nie paŭtaryłasia. Nie damo pierapisać historyju».
Jak patłumačyła Fłahštoku krynica, znajomaja ź situacyjaj na pradpryjemstvie, zatrymańnie rabotnika i jaho nastupnaje ckavańnie źjaŭlajecca spłanavanaj akcyjaj.
«Apošnimi hadami ŭ administracyju pradpryjemstva stali nabirać byłych «siłavikoŭ». Ciapier jany pačali navodzić svaje paradki. Supracoŭnikaŭ z «minułaj kamandy» pastupova vyciaśniajuć z pradpryjemstva. Na niekatorych zavodziacca kryminalnyja spravy. Ničoha dziŭnaha ŭ tym, što ŭčorašnija siłaviki ciapier zapisvajuć roliki ŭ styli svaich byłych kalehaŭ z HUBAZiKa i patrabujuć ad rabotnikaŭ pakidać pad imi kamientary», — raspaviadaje surazmoŭca Fłahštoka.
U 2014 hodzie ŭpraŭleńnie biaśpieki ZŁiNa ŭznačaliŭ były rabotnik Kamiteta dziaržkantrolu Homielskaj vobłaści Alaksandr Dančanka. U 2019 hodzie jon byŭ abrany deputatam Pałaty pradstaŭnikoŭ.
Ciapier čytajuć
Volhu Bondaravu, imavierna, pasadzili na 13 sutak34
Kamientary