I znoŭ «žestačajšym čynam». Łukašenka paabiacaŭ razabracca z prypiskami ŭ vakcynacyi nasielnictva
Alaksandr Łukašenka paabiacaŭ samym žorstkim čynam razabracca z prypiskami pry vakcynacyi nasielnictva. Pra heta jon zajaviŭ na naradzie pa aktualnych pytańniach raźvićcia Viciebskaha rehijona, piša BiełTA.
Alaksandr Łukašenka. Fota Contributor / Getty Images
«Publična papiaredžvaju Ministerstva achovy zdaroŭja, što my žestačajšym čynam raźbiaremsia ź sistemnymi vypadkami prypisak i biezhaspadarčaści padčas vakcynacyi nasielnictva, vyjaŭlenymi Kamitetam dziaržaŭnaha kantrolu», — zajaviŭ Łukašenka.
Adnoj z tem narady stała stvareńnie ajčynnaj supraćvirusnaj vakcyny i pierśpiektyvy pašyreńnia liniejki hetaj pradukcyi na pradpryjemstvie «BiełVitunifarm».
Łukašenka pacikaviŭsia jakaściu atrymanaha biełaruskaha preparata, nakolki jon dziejsny i ŭ jakija terminy možna budzie zakryć patrebnaści krainy ŭ vakcynie. «Pakul vakcynujem pa sutnaści čužym praduktam», — adznačyŭ jon.
Čytajcie taksama: