Karanavirus — usio. Minzdaroŭja vyklučyła kavid sa śpisa chvarob, jakija ŭjaŭlajuć niebiaśpieku dla nasielnictva
Ministerstva achovy zdaroŭja pastanovaj №25 ad 3 lutaha źmianiła pieralik zachvorvańniaŭ, jakija ŭjaŭlajuć niebiaśpieku dla zdaroŭja nasielnictva. Dakumient siońnia aficyjna apublikavany na Nacyjanalnym pravavym internet-partale i ŭstupaje ŭ siłu paśla apublikavańnia, źviarnuŭ uvahu Reform.by.
«Punkty 1 i 7 dadatku da pastanovy Ministerstva achovy zdaroŭja Respubliki Biełaruś ad 15 červienia 2012 h. № 75 «Ab ustanaŭleńni pieraliku zachvorvańniaŭ, jakija ŭjaŭlajuć niebiaśpieku dla zdaroŭja nasielnictva» vyklučyć», — havorycca ŭ dakumiencie.
Pad punktam 1 u pieraliku značacca prancy i hanareja, a pad punktam 7 — infiekcyja, vyklikanaja karanavirusam COVID-19.
COVID-19 byŭ dadadzieny ŭ hety pieralik u pačatku 2020 hoda. Najaŭnaść zachvorvańnia ŭ hetym pieraliku dazvalaje pravodzić prymusovy abaviazkovy miedycynski ahlad u vypadku admovy čałavieka ad jaho, kali jość dastatkovyja padstavy mierkavać, što ŭ asoby jość takoje zachvorvańnie. Taksama dapuskajecca prymusovaja špitalizacyja i lačeńnie pry najaŭnaści ŭ čałavieka zachvorvańnia ź pieraliku. Na dniach Ministerstva achovy zdaroŭja paviedamlała, što poŭny kurs vakcynacyi ad COVID-19 prajšli 71,1% nasielnictva Biełarusi, a pieršuju bustarnuju dozu atrymali 87,5% tych, chto prajšoŭ vakcynacyju.
Takim čynam, u pieraliku zachvorvańniaŭ, jakija ŭjaŭlajuć niebiaśpieku dla zdaroŭja nasielnictva, zastajucca nastupnyja:
— aktyŭnyja suchoty orhanaŭ dychańnia;
— čuma;
— chalera;
— sibirskaja jazva;
— hiemarahičnyja lichamanki Łasa, Marburh, Eboła.
-
Biełaruskaja fitnes-trenierka dva hady pakutavała ad nieviadomaj chvaroby. Zdajecca, jana znajšła adkaz — ale ad jaho nie lahčej
-
Naradžajecca mienš dziaciej, bo prablemaj stała začać. Voś što vyjavili apošnija daśledavańni, asabliva mužčynskaha zdaroŭja
-
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju
Ciapier čytajuć
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary