Žanna Litvina: «Dziaržava nie bačyć miažy pamiž prafiesijami žurnalista i ideołaha»
Staršynia HA «Biełaruskaja asacyjacyja žurnalistaŭ» kamientuje pryznačeńnie Aleha Pralaskoŭskaha na pasadu ministra infarmacyi.
Staršynia HA «Biełaruskaja asacyjacyja žurnalistaŭ» kamientuje pryznačeńnie AlehaPralaskoŭskaha na pasadu ministra infarmacyi.
«Pryznačeńnie ministram infarmacyi Aleha Pralaskoŭskaha, u jakoha za plačami kiravańnie ideałahičnaj pracaj u krainie, — heta čarhovaje paćvierdžańnie taho, što, na žal, dziaržava nie bačyć miažy pamiž prafiesijami žurnalista i ideołaha, — prakamientavała navinu staršynia HA «BAŽ» Žanna Litvina. — Śfiera mas-miedyja pa-raniejšamu ŭsprymajecca joj jak pryjarytetny nakirunak prapahandysckaj pracy. Tryvožyć toje, što jašče padčas pracy ŭ Hałoŭnym ideałahičnym upraŭleńni sp. Pralaskoŭski byŭ paśladoŭnym prychilnikam idei dziaržaŭnaha rehulavańnia Internietu. Žurnalisty pamiatajuć jaho vykazvańni nakont nieabchodnaści zakanadaŭča zamacavać adkaznaść za raspaŭsiud «supraćpraŭnaj» infarmacyi ŭ Siecivie. Novaje pryznačeńnie moža być znakam taho, što dziaržava vierniecca da pytańnia kantrolu nad interniet-prastoraj».