U miecenata Paŭła Padkarytava zabirajuć «Majontak Padarosk»
Jak paviedamiŭ pradprymalnik i miecenat Pavieł Padkarytaŭ u fejsbuku, sud u Vaŭkavysku pastanaviŭ skasavać damovu nakont nabyćcia im majontka ŭ Padarosku nibyta «z-za nievykanańnia ŭmovy pa ŭvodzie abjektaŭ u haspadarčy abarot».
Rašeńnie ab skasavańni damovy Vaŭkavyski rajonny sud pryniaŭ na pazoŭ Vaŭkavyskaha adździeła kultury.
Sam Padkarytaŭ ličyć takoje rašeńnie niezakonnym, bo
- sprava niepadsudnaja rajonnamu sudu, i, adpaviedna, damova pavinna była razhladacca Ekanamičnym sudom Hrodzienskaj vobłaści;
- termin daŭniny pa pazovie minuŭ šmat hadoŭ tamu;
- abjekt uviali ŭ haspadarčy abarot u 2014 hodzie šlacham stvareńnia turystyčnaha pradpryjemstva, pieradačy jamu abjektaŭ nieruchomaj majomaści i viadzieńnia pradpryjemstvam haspadarčaj dziejnaści — arhanizacyi ekskursijnaha absłuhoŭvańnia turystaŭ u majontku ciaham 2014-2023 hadoŭ;
- sudu pradstavili ŭsie dokazy ŭvodu abjektaŭ u haspadarčy abarot i viadzieńnia pradpryjemstvam haspadarčaj dziejnaści z vykarystańniem nabytych pa damovie abjektaŭ;
- patrabavanych zakonam akaličnaściaŭ, dastatkovych dla skasavańnia damovy, niama.
Majontak Padarosk
Rašeńnie Vaŭkavyskaha rajonnaha suda pakul nie ŭstupiła ŭ zakonnuju siłu, i Padkarytaŭ płanuje abskardzić jaho ŭ vyšejšych sudovych ustanovach.
Inicyjatyva «Majontak Padarosk» adnaŭlała siadzibu Čačotaŭ-Bochvicaŭ u Padarosku. Rasijski biznesmien biełaruskaha pachodžańnia Pavieł Padkarytaŭ vykupiŭ hetu siadzibu ŭ 2013 hodzie.
Letaś u kastryčniku ŭłady pačali pieraśled kiraŭnika i finansavaha dyrektara «Majontka Padarosk» Juryja Mielaškieviča i Źmitra Karabača. Im vystavili abvinavačańnie ŭ niaspłacie padatkaŭ i strachavych unioskaŭ z zarobkaŭ rabotnikaŭ amal na 400 000 rubloŭ. Juryj Mielaškievič pravioŭ pad vartaj paŭhoda i ŭ krasaviku 2023 hoda byŭ vyzvaleny pad paručalnictva.
Čytajcie taksama:
Jaki los čakaje «Majontak Padarosk», dyrektar jakoha znachodzicca ŭ SIZA
«Ukłaŭ kala miljona dalaraŭ». Jak idzie rekanstrukcyja siadziby ŭ Padarosku