Rybak zaśpiavaje na ŭznaharodžańni Abamy
Cyrymonija ŭručeńnia Premii miru projdzie ŭ najbolšaj kancertavaj zale Osła.
Pieramožca «Jeŭrabačańnia‑2009», narvieh biełaruskaha pachodžańnia Alaksandr Rybak u piatnicu zaśpiavaje na cyrymonii ŭručeńnia Nobieleŭskaj premii miru. Pra heta paviedamlajuć narviežskija ŚMI.
Sioleta łaŭreatam premii staŭ prezident ZŠA Barak Abama. Cyrymonija ŭznaharodžańnia projdzie ŭ najbolšaj kancertavaj zale Osła — «Śpiektrumie».
Rybak praśpiavaje svaju Fairytale («Dobruju kazku») u supravadžeńni simfaničnaha arkiestra telebačańnia Narviehii. Na hety raz Rybak abiacaje nadać svajoj pieśni toliku akademičnaści.