Siłaviki zatrymali mužčynu, jaki ŭ 2020 hodzie «pieraškadžaŭ zatrymańniu Ściapana Łatypava»
Siłaviki zatrymali mužčynu, jaki ŭ 2020 hodzie «pieraškadžaŭ» zatrymańniu Ściapana Łatypava, kali jon razam z susiedziami vyjšaŭ abaranić murał z «dydžejami pieramien». Videa ź im zjaviłasia ŭ blizkim da siłavikoŭ telehram-kanale, piša mediazona.by.
Zatrymańnie Ściapana Łatypava
Na kamieru mužčyna kaža, što braŭ udzieł u niesankcyjanavanym mitynhu na «płoščy Pieramien», kali zatrymali Ściapana Łatypava. Mužčyna kaža, što «pieraškadžaŭ» zatrymańniu.
U videa siłavikoŭ ustaŭlenyja kadry z dnia zatrymańnia Łatypava. Na ich vidać, što zatrymany stajaŭ zboku, ale ŭ niejki momant siłaviki padyšli da jaho i adšturchnuli mužčynu ŭ bok. Dalej jon išoŭ razam z susiedziami ŭ baku.
Jaki artykuł vystaŭlajuć zatrymanamu — nieviadoma.
Ściapana Łatypava zatrymali 15 vieraśnia na «płoščy Pieramien». 20 vieraśnia dziaržaŭnyja telekanały ANT i BT pakazali siužety, u jakich śćviardžałasia, što Łatypaŭ arhanizavaŭ niezakonny kanał pastavak niebiaśpiečnych chimikataŭ u krainu i, pavodle viersii siłavikoŭ, źbiraŭsia vykarystoŭvać atrutu suprać milicyjantaŭ.
16 žniŭnia 2021 hoda Ściapan Łatypaŭ asudžany da 8,5 hadoŭ źniavoleńnia.