Žonka Hirkina prakamientavała fota, na jakim toj nibyta mocna źbity ŭ SIZA
Mirasłava Rehinskaja, žonka źniavolenaha šavinistyčnaha błohiera Ihara Strałkova (Hirkina), prakamientavała fota sa źbitym u SIZA nibyta jaje mužam, jakoje dniami raspaŭsiudzili rasijskija Z-kanały.
Mierkavana, na fota źbity ŭ SIZA źniavoleny Ihar Strałkoŭ. Fota: prarasijskija telehram-kanały
Pa słovach Rehinskaj, dadzienaje fota źjaŭlajecca fejkam.
«Lubyja paviedamleńni žoŭtych telehram-kanałaŭ pra Ihara Strałkova źjaŭlajucca chłuśnioj. Jakija nizkija ludzi pišuć u hetych kanałach! Boh im sudździa. A pra ŭmovy ŭtrymańnia majho muža ŭ Lefortava možna daviedacca ŭ mianie i ŭ jaho advakata», — napisała Mirasłava Rehinskaja.
24 vieraśnia niekatoryja rasijskija prapahandysckija kanały vykłali fota mocna źbitaha čałavieka, pavodle ich viersii, Ihara Strałkova, kamandzira rasijskich šturmavych atradaŭ u 2014 hodzie, byłoha ministra abarony tak zvanaj «DNR», a paźniej — błohiera, viadomaha svajoj šavinistyčnaj pazicyjaj.
U SIZA Strałkoŭ trapiŭ u lipieni za vostruju krytyku Ministerstva abarony, Hienštaba i navat Kramla i Uładzimira Pucina za niedastatkovyja, pavodle jaho, dziejańni Rasii na vajnie z Ukrainaj.
Čytajcie taksama:
«Jon svaryŭsia na ludajedaŭ za ich niedastatkovy apietyt». Navalny nazvaŭ Strałkova palitviaźniem
Zachodnija ŚMI vyśvietlili, chto ciapier kiruje spadčynaj Pryhožyna ŭ Afrycy