«Pabiŭ i pravilna zrabiŭ». Ramzan Kadyraŭ apublikavaŭ rolik, u jakim jahony syn žorstka źbivaje čałavieka
U telehram-kanale kiraŭnika Čačni Ramzana Kadyrava źjaviŭsia rolik, na jakim jahony syn Adam žorstka źbivaje inšaha mužčynu. Śćviardžajecca, što heta Mikita Žuraviel, abvinavačany ŭ publičnym spaleńni Karana. Rolik hety chadziŭ pa siecivie i raniej, ale ŭźnikali sprečki ab jahonaj sapraŭdnaści i adnosna taho, što na im sapraŭdy Adam Kadyraŭ z Žuraŭlom. Ciapier Ramzan Kadyraŭ heta paćvierdziŭ i całkam staŭ na bok syna.
«Pabiŭ i pravilna zrabiŭ. Bolš za toje, ja liču, što toj, chto pakvapiŭsia na luboje Śviatoje Pisańnie, u tym liku demanstratyŭna spalvaje jaho, abraziŭ hetym dziasiatki miljonaŭ hramadzian našaj vialikaj krainy, pavinien panieści surovaje pakarańnie», — śćviardžaje aŭtarytarny čačenski kiraŭnik.
Paśla čaho pierachodzić da maralizatarstva: maŭlaŭ,
«nizkija ŭčynki zamachu na śviatoje ŭłaścivyja tolki ludziam cyničnym, amaralnym, bieschrybietnym i pradažnym, achvotnym unieści razład u hramadstva, jakoje naša dziaržava haduje ŭ ideałach talerantnaści, pamiarkoŭnaści i lubovi adno da adnaho».
A «hetyja miarzotniki nie razumiejuć movy pierakanańnia, nie chočuć budavać dziaržavu, raźvivać jaje… Takija pravakatary i zdradniki — chvoraja puchlina na ciele, jakuju treba vypalvać», — pahražaje Ramzan Kadyraŭ i dadaje, što hanarycca ŭčynkam syna i «pavažaje jaho vybar».
Sam Ramzan Kadyraŭ u kadry nie źjaŭlajecca, usio heta vykładajecca ŭ tekstavaj viersii. Što tolki dadaje vahi čutkam, što ŭ čačenskaha dyktatara vielmi kiepska sa zdaroŭjem, dziela čaho jon nie choča ci nie moža pakazvacca na publicy.
Mikitu Žuraŭla zatrymali viasnoj u Vałhahradzie paśla akcyi sa spaleńniem Karana kala miačeci. Jak śćviardžaje Śledčy kamitet Rasii, mužčyna pryznaŭsia, što nibyta zrabiŭ heta za hrošy pa ŭkazańni ŭkrainskich śpiecsłužbaŭ. Paźniej Žuraŭla dastavili ŭ Čačniu.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki26
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1616
Kamientary