Minabarony Biełarusi zajaviła, što siońnia polski viertalot dvojčy zalacieŭ na terytoryju Biełarusi

Ministerstva abarony śćviardžaje, što ŭ 15:20 viertalot pierasiek hranicu i zalacieŭ na 1,5 kiłamietra. Praz hadzinu viertalot nibyta paŭtorna parušyŭ dziaržaŭnuju miažu, zalacieŭšy na 300 mietraŭ.

Zdymak ilustracyjny. Fota: Wikimedia Commons

Paviedamlajecca, što ŭ pavietra padymałasia dziažurnaja avijacyja.

Ciapier MZS rychtuje adpaviednuju notu polskamu boku.

Heta ŭžo treci incydent padobnaha kštałtu za apošnija dva miesiacy. 1 vieraśnia Pamiežny kamitet Biełarusi zajaŭlaŭ, što polski viertalot Mi-24 parušyŭ miažu i nibyta zalacieŭ na 1200 m uhłyb Biełarusi. Dalej u MZS byŭ vyklikany časovy pavierany ŭ spravach Polščy, a polskija vajskoŭcy nazvali abvinavačańni DPK «chłuślivymi» i zajavili, što heta «pravakacyja».

Pierad hetym 1 žniŭnia stała viadoma pra parušeńnie polskaj pavietranaj prastory z boku Biełarusi dvuma viertalotami. Biełaruski bok fakt parušeńnia taksama nastojliva admaŭlaŭ.

Čytajcie taksama:

«Nie rasceńvajem heta jak pravakacyju». Chrenin nazvaŭ incydent z polskim viertalotam pamyłkaj lotčykaŭ

Viertalot sapraŭdy pierasiek polskuju miažu, ale nieviadoma čyj — Biełaruski Hajun

«Pravakacyja i chłuślivyja abvinavačańni». U polskim vojsku admaŭlajuć, što ich viertaloty zalatali na biełaruskuju terytoryju

Kamientary da artykuła