«Nie rasceńvajem heta jak pravakacyju». Chrenin nazvaŭ incydent z polskim viertalotam pamyłkaj lotčykaŭ
Ministr abarony Biełarusi Viktar Chrenin nie ličyć parušeńnie miažy polskim viertalotam pravakacyjaj. Jon źviazvaje incydent z «nizkaj padrychtoŭkaj lotčykaŭ», paviedamlaje TASS.
«Heta nie što inšaje, jak nizkaja padrychtoŭka lotčykaŭ. U nas zachoŭvajecca ŭzajemadziejańnie [z polskim bokam] u ramkach zabieśpiačeńnia palotaŭ. My bačyli hety bort, my viedali, ź jakoj metaj jon lacić — patrulavańnie dziaržaŭnaj miažy, adsočvali poŭnaściu jaho palot <…>. My, u adroźnieńnie ad našych ahresiŭnych susiedziaŭ, nie rasceńvajem heta jak pravakacyju», — pryvodzić słovy ministra abarony TASS.
Biełaruski bok, jak paviedamiŭ Chrenin, nie budzie ŭzmacniać vajskovuju prysutnaść na miažy.
Pavodle Dziaržpahrankamiteta Biełarusi, 1 vieraśnia polski vajskovy viertalot MI-24 parušyŭ pavietranuju prastoru Biełarusi. Pradstaŭnik polskaha pasolstva byŭ vyklikany ŭ MZS Biełarusi.
U samoj Polščy admaŭlali fakt parušeńnia miažy.
1 žniŭnia polski bok zajaviŭ, što biełaruskija vajskovyja viertaloty zalacieli ŭhłyb terytoryi Polščy na 2 kiłamietry. Pavodle biełaruskaha boku, padstaŭ dla abvinavačvańnia ŭ parušeńni dziaržaŭnaj miažy nie było.
Ciapier čytajuć
Novy pasoł Ukrainy pa pytańniach Biełarusi: «Pryznajom Cichanoŭskuju lidaram. A ŭ Łukašenki niama manapolii na hołas naroda»69
Kamientary