Kazachstan zabaraniaje pieravozić na svaju terytoryju hruzy, pieračeplenyja ŭ Biełarusi

Ministerstva transpartu Biełarusi aficyjna paviedamiła, što atrymała infarmacyju ad anałahičnaha viedamstva Kazachstana, pavodle jakoj z 9 kastryčnika nabudzie moc narmatyŭna-pravavy akt, jaki musić paŭpłyvać na mižnarodnyja pieravozki.

Fota ilustracyjnaje

Kazachstanski narmatyŭna-pravavy akt praduhledžvaje zabaronu mižnarodnaj pieravozki hruzaŭ z trecich krain u Respubliku Kazachstan šlacham ich pieračepki ci pierahruzki na biełaruskija hruzaviki.

Kazachstan dazvoliŭ biełaruskim pieravozčykam dastaŭku hruzaŭ paśla vykanańnia apieracyj pieračepki abo pierahruzki u kancy traŭnia. Tady paviedamlałasia, što dazvoł budzie dziejničać da kanca 2023 hoda. Da hetaha biełaruskija pieravozčyki traplali pad bujnyja štrafy i navat kanfiskacyju aŭtamabilaŭ.

Schiemy ź pieračepkaj ci pierahruzkaj la miežaŭ ź Jeŭrasajuzam źjavilisia jak adkaz na sankcyi ES u dačynieńni da biełaruskich i rasijskich hruzapieravozčykaŭ.

Čytajcie taksama:

«Rehistrujem numary mašyn u Litvie, firmy — u Polščy i praciahvajem vazić». Dalnabojniki raskazali, jak ciapier jeździać praz polska-biełaruskuju miažu

Polšča zakryła miažu dla pryčepaŭ na biełaruskich i rasijskich numarach — jak heta adabjecca na Biełarusi?

Pieračaplać pryčepy budzie nielha, ale pierahružać hruzy jašče možna — Mytny kamitet

«Jany zabirajuć naš chleb». Kazachstanskija pieravozčyki vystupajuć za toje, kab Jeŭrasajuz abmiežavaŭ ruch hruzavikoŭ na biełaruskich i rasijskich numarach

Kamientary da artykuła