Kadyraŭ na dzień naradžeńnia Pucina prapanavaŭ admianić vybary
Kiraŭnik Čačni Ramzan Kadyraŭ prapanavaŭ admianić praviadzieńnie vybaraŭ prezidenta Rasii, pryznačanych na 17 sakavika 2024 hoda, z-za viadzieńnia Rasijaj vajny va Ukrainie. A kali ich i pravodzić, to tolki z adnym kandydatam — Uładzimiram Pucinym.
Ramzan Kadyraŭ z Uładzimiram Pucinym. Fota: Mikhail Svetlov / Getty Images
«Ja prapanuju ciapier, kali idzie SVA, adnahałosna pryniać rašeńnie, što na vybarach u nas budzie adzin kandydat — Uładzimir Uładzimiravič Pucin. Abo časova admianić vybary, tamu što inšaha čałavieka ŭ nas niama, jaki moh by abaranić siońnia našu krainu»,— adznačyŭ Kadyraŭ padčas fłešmoba, jaki čačenskija ŭłady praviali ŭ Hroznym da dnia naradžeńnia Uładzimira Pucina.
Na dumku kiraŭnika Čačni, usie viedajuć, jaki Pucin «sumlenny, pravilny». Jon, maŭlaŭ, «nikoli nie kidaje svaich, maksimalna imkniecca zachavać kamandu» i «maksimalna ŭnikaje va ŭsie prablemy rehijonaŭ».
Čytajcie taksama:
15-hadovy syn Ramzana Kadyrava staŭ Hierojem Čačni
Kadyraŭ pryhraziŭ Sabčak, kab «nie čapała» jaho siamju, i patłumačyŭ vychadku svajho syna ŭ SIZA