Poŭnač siektara Haza pakinuli kala 500 tysiač čałaviek — CACHAŁ
Pradstaŭnik Armii abarony Izraila (CACHAŁ) pryznaŭ, što charaktar ciapierašniaj apieracyi taki, što paźbiehnuć achviaraŭ siarod cyvilnaha nasielnictva ŭdajecca nie zaŭsiody.
Paleścinskija ŭciekačy. Fota: Hatem Moussa / AP
Pres-ataše Armii abarony Izraila padpałkoŭnik Džonatan Konrykus skazaŭ žurnalistam, što, pa acency izrailskaj armii, poŭnač siektara Haza pakinuli kala paŭmiljona čałaviek, piša Bi-bi-si.
Raniej Izrail, rychtujučysia da ŭvodu armii ŭ siektar Haza, zapatrabavaŭ ad cyvilnaha nasielnictva jaho paŭnočnaj častki, uklučajučy sam horad Haza, terminova evakujavacca na poŭdzień.
Pres-ataše CACHAŁ abvinavaciŭ CHAMAS u tym, što jon pieraškadžaje mirnym hramadzianam evakujavacca na poŭdzień siektara. Sa słoŭ padpałkoŭnika Konrykusa, vajskovaja apieracyja ŭ Hazie padychodzić da «ŭzmocnienaj» fazy, i zastavacca ŭ jaje zonie budzie niebiaśpiečna.
Na pytańnie ab avijaŭdary pa kalidory evakuacyi, u vyniku jakoha ŭ piatnicu, jak śćviardžajuć paleścincy, zahinuli 70 čałaviek, padpałkoŭnik Konrykus adkazaŭ tolki, što CACHAŁ nie bje naŭmysna pa mirnym nasielnictvie.
Padčas bryfinhu jon pryznaŭ, što charaktar ciapierašniaj apieracyi taki, što paźbiehnuć achviaraŭ siarod cyvilnaha nasielnictva ŭdajecca nie zaŭsiody.
Siektar Haza. Google Maps
«My bjem pa CHAMAS, my bjem pa ich infrastruktury i my aktyŭna palujem na ich kamandziraŭ. Kali vy palujecie na žyvuju cel, jakaja moža pierasoŭvacca, nie zaŭsiody, napeŭna, pa vidavočnych pryčynach možna ŭžyvać tuju ž taktyku z abviaščeńniem zahadzia, jakaja dazvalaje minimizavać spadarožnuju škodu, bo heta asoba daznajecca, što na jaje palujuć, i moža źbiehčy», — skazaŭ pres-ataše izrailskaj armii.
Taksama viadoma, što paliva dla hienierataraŭ u balnicach Hazy zastałosia na sutki, zajaviła AAN.
Čytajcie taksama:
Bajden: Izrail pavinien źniščyć CHAMAS
Izrail evakujuje ceły horad. Takoje adbyvajecca ŭpieršyniu ŭ historyi dziaržavy