Čartary na treci jehipiecki kurort pratrymajucca tolki miesiac
Jehipiet admoviŭsia zapraŭlać samaloty «Biełavija».
Fota: «Naša Niva»
Čartarny łancužok «Biełavija» na jehipiecki kurort Marsa-Ałam startavaŭ z 16 kastryčnika. Rejs byŭ zahružany, paloty ažyćciaŭlalisia kožnyja 10-11 dzion. Łancužok u Marsa-Ałam byŭ trecim kirunkam «Biełavija» na jehipieckija kurorty śledam za Churhadaj i Šarm-el-Šejcham.
Adnak turapieratar «AeraBiełServis» prainfarmavaŭ turahientaŭ ab tym, što łancužok u Marsa-Ałam prypyniajecca, piša toursoyuz.by.
Pryčyna spynieńnia prahramy — admova zapraŭlać samaloty «Biełavija» ŭ aeraporcie Marsa-Ałam.
Niahledziačy na ŭsie namahańni biełaruskaj avijakampanii, vyrašyć pytańnie stanoŭča nie ŭdałosia.
Rejs 16 listapada budzie vyvaznym. Adnak jość mahčymaść paśpieć kupić tury ŭ Marsa-Ałam z vyletam 6 listapada.
Čytajcie taksama:
Na niekatorych rejsach z Homiela ŭ Maskvu zamianili samaloty. Pryčyna zusim nie ŭ techničnym stanie
Roźnica — da 2000 rubloŭ. Paraŭnoŭvajem ceny na pieraloty ź Minska i susiednich stalic